Yon grenn yon pye bwa donnen e grenn sa tou won, li gen plizyè tranch, nannan avèk ji. Gen anpil varyete zoranj, men de pi gran kategori yo se zoranj-si avèk zoranj dous. Zoranj Dous, Yon zoranj ki dous e moun itilize li pou fè ji ou byen pou manje lè yo fini retire po a. Zoranj Si, Yon zoranj ki prèske gen asid menm jan avèk sitwon e moun itilize li pou lave vyann. Zoranj Sirèt, Yon zoranj ki pa janm dous tankou sik, men li pa janm twò si tou. Ayisyen itilize li pou fè konfiti, tizán e latriye. Peyizan ayisyen kwè zoranj sa bay moun apeti.